Markþjálfanám Profectus í útrás

Góður markþjálfi getur hjálpar þér að gera allt betur!

Eftirspurn eftir markþjálfun er sífellt að aukast og þörfin fyrir vottaða markþjálfa hefur aldrei verið meiri. Þess vegna höfum við hjá Profectus ákveðið að bjóða upp á Markþjálfanámið okkar um land allt í haust, í Reykjavík, á Akureyri, á Egisltöðum og á Ísafirði. Einnig höfum við stofnað félag í Bretlandi og komum til með að opna útibú í London „Profectus Coaching House ltd.“ frá og með janúar 2020.

Síðustu 5 ár höfum við hjá Profectus útskrifað á annað hundrað markþjálfa hér á Íslandi, í Suður Afríku og á Írlandi. Auk þess hafa stjórnendur margra fyrirtækja bæði hérlendis og erlendis tekið leiðtoganámskeið Profectus „Leiðtoginn sem markþjálfi“ (e. Leader as a Coach) sem byggir að miklu leiti á lykilþáttum markþjálfunar. Það námskeið byggir alfarið á bókinni „The Whole Brain Leader“ sem Profectus gaf út 2015 og vinnubókinni "Coaching - Bringing out the best" eftir PCC-markþjálfann Ingvar Jónsson. 

Allt náms- og kennsluefni sem við notum í náminu hefur verið þróað og skrifað af okkur síðustu sex ár. Við höfum alltaf lagt metnað í að viðhalda og þróa námið og námsefnið hjá okkur þannig að við séum í fremstu röð með að miðla og kenna það nýjasta sem er að gerast í markþjálfaheiminum í dag.