LEVEL 2-vottað heildarnám í markþjálfun

Fyrsti hluti: Grunnnám - gerðu gott betra!

• Tími: 80 klst. (Kennt í 2 lotum sem ná yfir 7 vikna tímabil með ca. 30 klst. heimanámi á milli lota)
• Kennslufyrirkomulag: Eingöngu er kennt í staðarnámi
• Öll kennsla tekur mið af ACC-færniviðmiðum (fyrsta vottunarstigi ICF)

Fyrsti hluti námsins er bæði kraftmikill, krefjandi og skemmtilegur. Þar er lögð rík áhersla á að efla innri styrk og tilfinningagreind nemenda svo þeir séu færir um að valdefla aðra að námi loknu.

Megintilgangur námsins er að nemendur læri að stuðla að persónulegum og faglegum vexti annarra og stór hluti námsins markast af því að nemendur fari sjálfir í gegnum það umbreytingaferli til að verða færari í að fylgja öðrum á þeirri vegferð að námi loknu. Við færum nemendum þá þekkingu og færni sem þeir þurfa til að geta orðið góðir markþjálfar sem stuðla að viðvarandi og sjálfbærum persónulegum vexti.

Lykilhlutverk markþjálfa er að vera í senn styðjandi og áskorandi og hjálpa fólki að öðlast skýra og hvetjandi framtíðarsýn, ná markmiðum sínum og framkalla þannig jákvæðar breytingar í lífi og starfi.

Markþjálfanám er ferðalag

Markþjálfanám er ferðalag þar sem nemendur læra að opna á möguleika - bæði þína eigin og annarra – til að kalla fram það besta í fólki og hjálpa því að yfirstíga hindranir og áskoranir. Við leggjum ríka áherslu á praktíska nálgun – þar sem nemendur læra með því að framkvæma, sannreyna þau verkfæri og aðferðir sem þeim er kennt að nota nýta í raunverulegum aðstæðum.

Í náminu gefast þér tækifæri til að æfa þig í að nýta markþjálfun í mismunandi aðstæðum, sem undirbúa þig ekki aðeins fyrir það að starfa sem markþjálfi, heldur einnig til að nýta þá þekkingu og færni í þínu daglega lífi. Markþjálfanám er því umbreytandi bæði fyrir þig og alla þá sem þú munt vinna með í framtíðinni.

Það hefur aldrei verið eins mikil þörf fyrir markþjálfa eins og nú. Einhvern sem getur liðsinnt öðrum við að ná áttum, hjálpað þeim að finna tækifæri þar sem hindranir virðast allt um kring og finna jákvæðni í eigin huga þegar bölsýnin hefur verið lengi í sviðsljósinu. Það sem bíður margra er ný heimsmynd þar sem þeir munu þurfa aðstoð við að finna nýja stefnu og forgangsraða upp á nýtt.

Í þessu hluta námsins öðlast nemendur ekki eingöngu skýrari sýn á sjálfan sig heldur einnig læra þeir að skilja þau öfl sem ráða því hvaða ákvarðanir við tökum eða okkur skortir hugrekki til að taka.

Markþjálfinn lærir að færni hans í hlutverkinu snýst ekki um hvað hann kann eða hvað hann gerir, heldur hver hann er.

Hér finnur þú bækling með ítarlegri lýsingu á grunnnáminu.

Annar hluti: Framhaldsnám - Upp og áfram!

• Tími: 85 klst. (Námið nær yfir 11 mánaða tímbil þar sem nemendur fá kennslu, aðhald og stuðning í hverjum mánuði)
• Kennslufyrirkomulag: 3 dagar í staðarnámi og átta kvöld í fjarnámi
• Öll kennsla tekur mið af PCC-færniviðmiðum (annað vottunarstigi ICF)

UPP & ÁFRAM er einstaklega spennandi og vel skipulagt framhaldsnám sem spannar 11 mánuði og hámarkar möguleika þína á að fara alla leið og standast bæði ACC- og PCC-vottun. Þetta námskeið er sérstaklega hannað með tilliti til að styðja við nemendur til lengri tíma á meðan þeir eru að ná þeim tímafjölda sem þarf til að geta sótt um vottun hjá ICF. Námið spannar ellefu mánuði þar sem nemendur dýpka taktfast og markvisst þekkingu sína og styrkja færni í hlutverki markþjálfa.

Hlutverk markþjálfa er að hvetja fólk áfram og aðstoða við að uppgötva innra með sér stefnufestu, skuldbindast ásetningi sínum og yfirstíga þannig þær áskoranir sem standa í vegi. Það sama gildir um nemendur í hlutverki markþjálfa. Þeir læra í náminu að árangur er ekki spretthlaup, heldur langhlaup sem krefst staðfestu og skuldbindingar.

Það skiptir ekki máli hver þú lærðir grunnnám í markþálfun því við bjóðum alla velkomna í framhaldsnámið sem hafa lokið ICF-vottuðu grunnnámi hjá viðurkenndum fræðsluaðila.

Kennslufyrirkomulag og framvinda námskeiðsins:

• Námið samanstendur af þremur dögum í staðarnámi, átta kennslukvöldum (þriðja miðvikudag í mánuði) þar sem kennt er fjarnámi, auk heima,- verkefna- og hópavinnu jafnt og þétt yfir námstímann. Nemendur geta reiknað með um það bil 6-8 klst. heimanámi í mánuði. Engin kennsla er í júlímánuði.
• Fyrsti dagurinn er í staðarnámi - sá fyrsti af þremur - þar sem hver og einn nemandi mótar sér skýra, hvetjandi og tilgangsdrifna sýn á þá útkomu sem hann vil að hafi raungerst í lok námsins. Sú vinna er bæði markvisst og skapandi ferli undir tryggri leiðsögn listamannsins og fyrirtækjaráðgjafans Jim Ridge sem hefur séð um alla myndræna framsetningu fyrir Profectus síðustu ár.
• Eftir fyrsta daginn er nemendum skipt í smærri hópa (3-4 í hóp) sem munu vinna saman að tilfallandi verkefnum - en umfram allt - styðja hver við annan á meðan náminu stendur.
• Kennsludagar frá febrúar fram í október eru einu sinni í mánuði á ZOOM. Þeir tímar eru alltaf teknir upp og settir inn á Tankinn - kennslukerfið okkar - þar sem nemendur hafa aðgang að öllum upptökum, til upprifjunar og ef þeir skyldu missa af einstaka tíma. Það á þó ekki við fyrsta og síðasta daginn sem eru í staðarnámi og virk þátttaka nemenda nauðsynleg.
• Það hefur enginn kappleikur unnist í fyrri hálfleik! Í náminu köllum við annan daginn af þremur í staðarnámi því „hálfleik“ - þar sem farið er yfir leikskipulag nemenda og markvisst þá þætti sem mögulega þarfnast endurskoðunar eða sérstakrar athygli.
• Í hverjum mánuði er opnað á nýtt svæði í „Tankinum“ þar sem nemendur fá aðgang að ítarlegri fróðleik, nýjum kennslumyndböndum, verkefnum, verkfærum og sjálfsmati sem tengjast áherslum hverju sinni. Sá markvissi stuðningur hjálpar nemendum að halda sér við markmið sín, viðhalda stefnufestu og efla innri áhugahvöt.
• Lokadagur námskeiðsins er þriðji dagurinn í staðarnámi þar sem nemendur koma saman, deila sigrum sínum og áskorunum, kynna árangur ferðalagsins og hnýta alla lausa enda.

Hér finnur þú bækling með ítarlegri lýsingu um framhaldsnámið

Lokahluti: Undirbúningur fyrir ACC- og PCC-vottun

• Tími: 18 klst. (þriðji hlutinn nær að lágmarki yfir 3 mánaða tímabil)
• Kennslufyrirkomulag: Blandað - hóptímar eru í fjarnámi en persónulegir mentor tímar eru einkatímar með kennara.
• Allt mentor ferlið miðast að því að nemendur standist PCC-færnivottun (annað vottunarstigi ICF).
• Við mælum með því að nemendur byrji í lokahlutanum þegar þeir hafa markþjálfað u.þ.b. 85 klst.

Þriðji og síðasti hluti heildarnáms Profectus er að mati flestra nemenda einnig sá lærdómsríkasti. Það er persónulegur mentor-hluti þar sem hver nemandi vinnur í nánu samstarfi með sínum mentor að lokaundirbúningi fyrir ACC og PCC-vottun sem veitir nemendum nafnbótina „ICF- vottaður markþjálfi“.

Hvað er innifalið í lokaundirbúningi fyrir vottun?

• Þrír persónulegir mentortímar með kennara.
• 2 x 3 klst. hóp-mentortímar með kennara.
• Undirbúningstími fyrir hvernig best er að undirbúa sig fyrir ICF-vottun.
• Yfirferð á upptöku með skriflegri endurgjöf út frá PCC-færniviðmiðum.
• Yfirferð á lokaupptöku með skriflegri endurgjöf og LEVEL 2 staðfestingarskjali sem er fullnægjandi og nemendur geta framvísað bæði þegar þeir taka ACC og PCC-vottun hjá ICF.

Þeir nemendur sem hafa lokið við og staðist LEVEL 2 nám geta notað það útskriftarskírteini til að sækja um bæði ACC-vottun (þegar þeir hafa markþjálfað 100 klst.) og einnig PCC-vottun (þegar þeir hafa markþjálfað 500 klst.) án þess að bæta við sig frekara námi í millitíðinni.

Hvernig fer lokahluti námsins fram?

Mentor hluti heildarnámsins hefst formlega eftir fyrstu lotu grunnnámsins, heldur áfram um miðbik framhaldsnámsins og lýkur í þessum hluta. Við mælum með að nemendur fari af stað í þriðja hlutann þegar þeir hafa markþjálfað u.þ.b. 85 klst. 

1. Í upphafi mentor-hlutans eru þrír hóp-mentor tímar.
2. Eftir þá sendir hver og einn nemandi inn hljóðupptöku af heilu markþjálfasamtali sem metið er af viðurkenndum ICF-matsaðila Profectus.
3. Í framhaldinu fær nemandi senda ítarlega skriflega endurgjöf sem hann nýtir til að þekkja betur styrkleika sína og hvernig hann getur nýtt þá til að vinna markvisst í að efla færni sína í þeim þáttum sem þarfnast meiri athygli.
4. Nemandi mætir í einkatíma með sínum mentor þar sem þeir vinna að sameiningu að því að efla færni nemandans.

Þetta ferli er svo endurtekið aftur áður en nemandi sendir inn loka hljóðupptöku til PCC-færnimats sem kennarinn í náminu – sem einnig er ICF-viðurkenndur prófdómari – metur út frá 37 mismunandi færniþáttum.

Hingað til hafa 87% nemenda staðist PCC-matið í fyrstu atrennu – en þeir sem ekki standast í fyrstu atrennu fá fjórar vikur til að undirbúa sig betur og reyna aftur.

Nánari upplýsingar um lokahlutann finnur þú HÉR