Grunnnám í markþjálfun - Lærðu að gera gott betra!

Krefjandi og umbreytandi ferðalag

Markþjálfanám er bæði krefjandi og skemmtilegt ferðalag þar sem þú færð einstakt tækifæri til að dýpka skilning þinn á hver þú ert. Þú lærir um þá krafta sem búa að baki ákvörðunum fólks - því sem það gerir – eða skortir hugrekki til að gera.

Í náminu gefast þér tækifæri til að æfa þig í að nýta markþjálfun í mismunandi aðstæðum, sem undirbúa þig ekki aðeins fyrir það að starfa sem markþjálfi, heldur einnig til að nýta þá þekkingu og færni í þínu daglega lífi. Markþjálfanám er því umbreytandi bæði fyrir þig og alla þá sem þú munt vinna með í framtíðinni.Það hefur aldrei verið eins mikil þörf fyrir markþjálfa eins og nú. Einhvern sem getur liðsinnt öðrum við að ná áttum, hjálpað þeim að finna tækifæri þar sem hindranir virðast allt um kring og finna jákvæðni í eigin huga þegar bölsýnin hefur verið lengi í sviðsljósinu. Það sem bíður margra er ný heimsmynd þar sem þeir munu þurfa aðstoð við að finna nýja stefnu og forgangsraða upp á nýtt.

Í þessu námi öðlast nemendur skýrari sýn á sjálfa sig og læra að skilja þau öfl sem ráða því hvaða ákvarðanir við tökum eða okkur skortir hugrekki til að taka. Markþjálfinn lærir að færni hans í hlutverkinu snýst ekki um hvað hann kann eða hvað hann gerir, heldur hver hann er.

Markþjálfunarnám Profectus er hagnýtt og þroskandi nám jafnt fyrir þá sem vilja nýta sér markþjálfun í starfi sínu sem og þá sem hyggja á alþjóðlega vottun sem sjálfstætt starfandi markþjálfar.

Námið er haldgóð viðbót við alla þá menntun og/eða reynslu sem þú hefur. Markþjálfun er ein áhrifaríkasta leiðin sem um getur til að skapa meiri vöxt og til að auka árangur. Lykilhlutverk markþjálfa er að vera í senn styðjandi og áskorandi við að hjálpa fólki að ná markmiðum sínum og að ganga í gegnum breytingar.

Markþjálfanám í boði veturinn 2024/2025

Grunnnám hefst 24. janúar og lýkur 9. mars

Kennt í Reykjavík, á Hótel Kríunesi við Elliðavatn

1. Undirbúningstími fyrir námið er mánudaginn 20. janúar frá kl. 17:00 - 19:00 (fjarfundur á ZOOM).
2. Fyrri lotan (3 dagar) er 24.- 26. janúar frá 8:30-16:30 á hótel Kríunesi við Elliðavatn.
3. Mentormarkþjálfun er 12. febrúar frá kl. 17-19 (fjarfundur á ZOOM).
4. Síðari lotan (3 dagar) er 7.- 9. mars frá 8:30-16:30 á hótel Kríunesi við Elliðavatn.

Grunnnám hefst 14. mars og lýkur 4. maí

Kennt í Reykjavík, á Hótel Kríunesi við Elliðavatn

1. Undirbúningstími fyrir námið er mánudaginn 10. mars frá kl. 17:00 - 19:00 (fjarfundur á ZOOM).
2. Fyrri lotan (3 dagar) er 14.- 16. mars frá 8:30-16:30 á hótel Kríunesi við Elliðavatn.
3. Mentormarkþjálfun er 9. apríl frá kl. 17-19 (fjarfundur á ZOOM).
4. Síðari lotan (3 dagar) er 2.- 4. maí frá 8:30-16:30 á hótel Kríunesi við Elliðavatn.

• Verð: 498.000,- (38.000 kr. staðgreiðsluafsláttur ef greitt er að fullu við skráningu í vefverslun eða með millifærslu). 

Við bendum nemendum á að kanna möguleika sína á niðurgreiðslu námsgjalda hjá stéttarfélögum að hluta eða í heild, allt eftir áunnum réttindum hvers og eins. Hægt er að dreifa greiðslum með ýmsum hætti.

Hvernig er kennslan skipulögð?

Í grunnnáminu er kennt í tveimur lotum þar sem hver lota samanstendur af þremur dögum. Kennt er alla daga frá 8:30-16:30. Loturnar samanstanda af fyrirlestrum, hópavinnu, sýnikennslu og umræðum. Nemendur mega reikna með um það bil 40-60 mín. heimavinnu á dag í staðarlotununum. Á milli þessara tveggja lota er sex vikna æfingatímabil.

Við leggjum ríka áherslu á að nota myndræna kennslu í markþjálfanáminu okkar. Í stað þess að notast við þurran texta á glærum vinnum við mikið með myndir sem hafa verið sérhannaðar fyrir námið af listamanninum Jim Ridge. Þessar myndir hjálpa til við að skapa dýpri skilning og tengingu við námsefnið.

Myndræn kennsla gerir námsefnið einnig aðgengilegra og skiljanlegra, þar sem myndirnar auðvelda nemendum að tengja við námsefnið á persónulegri og sjónrænni hátt. Þannig verður hver kennslustund og hver markþjálfunartími að mini-útgáfu af Hetjuförinni eftir Joseph Campell, þar sem nemandinn/markþeginn fer í gegnum ákveðið umbreytingarferli í hverjum tíma.

Hversu mikil er heimavinna á milli lota? 

Nemendur geta búist við að verja um 30 klukkustundum í heimavinnu á milli lotna. Heimavinnan felur í sér markþjálfun, lestur, verkefnavinnu og undirbúning fyrir næstu lotu.

Á þeim 6 vikum sem eru á milli lota er nemendum skipt í þrenningar, sem þjóna þeim tilgangi að styðja hvort við annað í æfingum, með endurgjöf og með því að æfa sig í að markþjálfa hvort annað. Hver nemandi á að finna sér 3-4 einstaklinga til að æfa sig í hlutverki markþjálfa. Hvern einstakling eiga nemendur að markþjálfa 3-4 sinnum, þannig að þegar þeir mæta í síðari lotuna eiga þeir að hafa æft sig og markþjálfað að lágmarki 12 klukkustundir. Þetta gerir það að verkum að skilningur þeirra er orðinn mun dýpri og þeir eru þar af leiðandi tilbúnari í að meðtaka þá fræðslu sem þeir fá í síðari lotunni, með dýpri skilningi á hugmyndafræði markþjálfunar þar sem reynslan er til staðar eftir æfingarnar á milli lota.

Á milli lota er einnig mentor-markþjálfunartími með kennara, þar sem nemendur fá tækifæri til að spyrja spurninga og fræðast um hluti sem gætu verið að standa í vegi fyrir þeim. Þetta stuðningskerfi tryggir að nemendur fái persónulega leiðsögn og séu í stakk búnir til að nýta sér námið til fulls.

Hvað læri ég um sjálfan mig í náminu? 

Sjálfsþekkingin sem nemendur öðlast í markþjálfanáminu er lykillinn að því að verða árangursríkur og áhrifaríkur markþjálfi. Þessi dýpri skilningur á sjálfum sér gerir markþjálfum kleift að mæta skjólstæðingum sínum af auknu innsæi, meiri samkennd og meiri fagmennsku.

Þessi sjálfsþekking og færni gerir markþjálfanum kleift að vera ekki aðeins faglegur leiðbeinandi heldur einnig trúverðugur og áhrifaríkur stuðningsaðili sem getur leitt skjólstæðinga sína í átt að dýpri sjálfsskilningi, persónulegum vexti og markvissum árangri.

Hér er stutt og hnitmiðuð samantekt á því af hverju sú sjálfsþekking sem námið inniheldur er mikilvæg og hvernig hún nýtist markþjálfa í sínum störfum að námi loknu:

1. Skilningur á eigin gildum og lífssýn:

Í náminu læra nemendur að skoða og greina eigin gildi, sem eru grunnurinn að öllum ákvörðunum og hegðun þeirra. Þeir fá verkfæri til að skilja hvernig gildi þeirra móta viðhorf, samskipti og markmið. Þetta dýpkar innsæi þeirra og eykur meðvitund um hvaða gildi eru þeim mikilvæg og hvernig þau geta nýtt þessi gildi til að leiða líf sitt í samræmi við það sem þeim finnst vera satt og rétt.

Með því að hafa skýran skilning á eigin gildum getur markþjálfi betur áttað sig á hvernig gildi og viðhorf móta hegðun og ákvarðanatöku skjólstæðinga. Þessi vitneskja gerir markþjálfanum kleift að skapa dýpri tengsl við skjólstæðinga sína og leiða þá í átt að því að lifa í samræmi við sín eigin gildi.

2. Styrkleikar og þróunarsvið:

Nemendur fá tækifæri til að skoða eigin styrkleika og þróunarsvið með markvissum æfingum og ígrundaðri sjálfskoðun. Þeir læra hvernig þeir geta nýtt styrkleika sína til að ná framúrskarandi árangri og hvernig þeir geta unnið með þróunarsvið sín til að verða heilsteyptari einstaklingar. Þetta ferli felur einnig í sér að læra að virða og samþykkja sjálfan sig eins og maður er, ásamt því að nýta styrkleika sína til að takast á við áskoranir.

Markþjálfi sem þekkir eigin styrkleika og þróunarsvið er betur í stakk búinn til að styðja skjólstæðinga sína við að uppgötva sína eigin styrkleika og vinna á þróunarsviðum sínum. Þessi vitund hjálpar markþjálfanum að vera sveigjanlegur, meðvitaður um eigin takmarkanir, og að nýta sína bestu eiginleika til að hámarka árangur í markþjálfunarsamtölum.

3. Sjálfstraust og sjálfsvirðing:

Í gegnum námið eru nemendur leiddir í gegnum ferli sem styrkir sjálfstraust þeirra og sjálfsvirðingu. Þeir læra að setja sér raunhæf markmið og standa við þau, sem eykur sjálfstraust þeirra til að takast á við ný verkefni og áskoranir. Að sama skapi eykst sjálfsvirðing þeirra með því að sjá eigin framfarir og árangur í markvissri vinnu með sjálfan sig og aðra.

Markþjálfi með sterkt sjálfstraust og sjálfsvirðingu er betur í stakk búinn til að skapa öruggt og traustvekjandi umhverfi fyrir skjólstæðinga. Þegar markþjálfi er öruggur með eigin getu, getur hann betur leitt skjólstæðinga sína í gegnum áskoranir og stuðlað að jákvæðri þróun þeirra.

4. Tilfinningagreind og tilfinningalegur skýrleiki:

Markþjálfanámið leggur áherslu á að auka tilfinningagreind nemenda, sem felur í sér hæfileikann til að skilja, stjórna og tjá eigin tilfinningar á uppbyggilegan hátt. Nemendur læra einnig að þekkja og vinna með tilfinningar annarra, sem bætir samskiptafærni þeirra og dýpkar tengslin við fólk í kringum þá. Þetta er sérstaklega mikilvægt í markþjálfun, þar sem tilfinningalegur skýrleiki hjálpar markþjálfum að leiða skjólstæðinga sína í gegnum þeirra eigin tilfinningaferli.

Aukin tilfinningagreind og skýrleiki gerir markþjálfanum kleift að skilja og bregðast við tilfinningum skjólstæðinga sinna á uppbyggilegan hátt. Þetta er sérstaklega mikilvægt í að skapa djúpar, áhrifaríkar samræður þar sem skjólstæðingurinn upplifir að á hann sé hlustað og honum sýndur skilningur. Markþjálfi sem getur tengst tilfinningum annarra á þennan hátt getur betur stutt við þá í að ná dýpri sjálfsskilningi og árangri.

5. Að takast á við ótta og hindranir:

Nemendur fá tækifæri til að horfast í augu við eigin ótta og hindranir, hvort sem þær eru meðvitaðar eða ómeðvitaðar. Þeir læra aðferðir til að takast á við þessar hindranir, bæði í gegnum markþjálfunarferlið og í eigin lífi. Þetta felur í sér að læra að þekkja sjálfsaga, mótstöðu og þá staði þar sem maður gæti verið að halda aftur af sjálfum sér. Með því að vinna í þessum þáttum öðlast nemendur hugrekki og verkfæri til að yfirstíga hindranir í lífi sínu og starfi.

Markþjálfi sem hefur sjálfur tekist á við eigin ótta og hindranir er betur undirbúinn til að hjálpa skjólstæðingum sínum að gera hið sama. Með því að nota eigin reynslu og verkfæri sem hafa virkað fyrir hann sjálfan, getur markþjálfinn veitt skjólstæðingum sínum nauðsynlegan stuðning og leiðsögn í gegnum þeirra eigin áskoranir.

6. Meðvitund um lífsjafnvægi og heildarhyggju:

Nemendur læra að sjá líf sitt í heild sinni og finna jafnvægi á milli mismunandi þátta þess, hvort sem það er í persónulegu lífi, starfi eða samskiptum. Þeir fá tækifæri til að ígrunda hvernig þeir geta þróað með sér heilbrigða og uppbyggjandi hegðun og venjur sem styðja við langtíma vöxt og vellíðan. Þeir fá einnig innsýn í hvernig þeir geta samstillt markmið sín við djúpstæðari lífsgildi sín, sem leiðir til enn meiri ánægju og velsæld.

Markþjálfi sem hefur þróað með sér meðvitund um mikilvægi lífsjafnvægis og heildarhyggju getur hjálpað skjólstæðingum sínum að finna jafnvægi á milli mismunandi þátta í lífi sínu. Þetta gerir markþjálfanum kleift að leiða skjólstæðinga í átt að heildrænni nálgun á líf sitt, þar sem þeir finna jafnvægi og vellíðan í bæði persónulegu og faglegu lífi.

7. Sjálfsuppgötvun og umbreyting:

Ferðalagið í gegnum markþjálfanámið er umbreytandi, þar sem nemendur finna oft nýja sýn á lífið og eigin möguleika. Þeir uppgötva nýjar hliðar á sjálfum sér og finna styrk til að vaxa og þróast á þann hátt sem þeir höfðu kannski ekki áður trú á. Þetta ferli umbreytir ekki aðeins þeim sjálfum heldur einnig því hvernig þeir sjá aðra og heiminn í kringum sig.

Ferðalag markþjálfans í átt að sjálfsuppgötvun og umbreytingu gerir hann betur í stakk búinn til að leiða skjólstæðinga sína í gegnum svipað ferli. Þegar markþjálfinn hefur sjálfur upplifað umbreytingarkraft markþjálfunar, getur hann betur miðlað þeirri reynslu og stutt við skjólstæðinga sína í þeirra eigin umbreytingaferli.

Hverjir eru möguleikar nemenda að námi loknu? 

Að námi loknu hafa nemendur rétt til að kalla sig viðurkennda markþjálfa þar sem þeir hafa lokið vottuðu námi frá International Coach Federation (ICF). Þetta er mikilvægur áfangi, þar sem ICF er alþjóðlega viðurkennd samtök sem setja viðmið fyrir gæði og fagmennsku í markþjálfun.

Nemendur sem hafa áhuga á að sækja um ACC-vottun (Associate Certified Coach) frá ICF þurfa að uppfylla nokkur skilyrði. Fyrst og fremst þurfa þeir að hafa lokið vottuðu markþjálfanámi, eins og því sem Profectus býður upp á.

Að auki þarf umsækjandi að hafa safnað saman að lágmarki 100 klukkustundum af markþjálfunarreynslu, þar af þurfa 75 klukkustundir að vera greiddar. Umsækjandi þarf einnig að hafa fengið a.m.k. 10 klukkustundir af markþjálfun frá viðurkenndum mentor og að lokum þarf að standast skriflegt próf sem metur þekkingu á hæfnisþáttum markþjálfunar samkvæmt ICF.

Við erum mjög stolt af því að bjóða ykkur velkomin í þetta nám hjá Profectus. Það er okkar von að þið njótið námsins, lærið mikið um ykkur sjálf og verðið öflugir markþjálfar. Ef það er eitthvað sem er enn óljóst, þá endilega hafið samband.

Námið er byggt á víðtækri reynslu og þekkingu

Markþjálfanám er valdeflandi og áhrifaríkt nám vegna þess að í náminu ferð þú í gegnum sama sjálfskoðunar- og umbreytingaferli sem þú lærir að leiða aðra í gegnum að námi loknu. Síðustu 8 ár höfum við hjá Profectus útskrifað rúmlega 550 markþjálfa hér á Íslandi og víða erlendis.

Allt náms- og kennsluefni sem er notað í Markþjálfanámi Profectus höfum við sjálf þróað frá upphafi og gerum enn. Við höfum lagt mikinn metnað í að uppfæra námið og námsefnið og tryggja að við séum í fremstu röð meðal jafningja og miðlum til nemenda okkar því nýjasta sem er að gerast í heimi markþjálfunar hverju sinni. 

Sérhannað stafrænt kennslukerfi á netinu

Nemendur fá aðgang að sérsniðnu kennslukerfi Profectus eitt ár eftir að námi lýkur. Þú getur skoðað kennslukerfið með því að smella HÉR. Í kerfinu hafa nemendur aðgang að námsgögnum, verkefnum og öðru stuðningsefni svo sem kennslumyndböndum, fag- og fræðigreinum ásamt öllum verkefnum sem tengjast markþjálfanáminu. Þar geta þeir einnig komið á og viðhaldið sambandi við núverandi og fyrrverandi nemendur Profectus, bæði hér- og erlendis. 

Eftir námið hefur þú:

• Yfirgripsmikla þekkingu á öllum 8 hæfnisþáttum ICF (International Coaching Federation)
• Lært að skilja markþjálfunarferlið og vinna markvisst eftir því
• Markþjálfað undir leiðsögn vottaðra PCC-markþjálfa
• Séð að minnsta kosti 4 vottaða markþjálfa að störfum
• Lært að nota og vinna með verkfæri Profectus, tilfinninga-, gilda-, styrkleika- og spurningaspjöld
• Lært að minnsta kosti fimm mismunandi aðferðir við að markþjálfa
• Lært tengslamyndun og jákvæða endurgjöf
• Lært að skapa og viðhalda trausti og nærveru í samskiptum
• Lært djúpa hlustun (1. 2. og 3. stig)
• Lært hvernig hægt er að nýta áhrifamátt speglunar í samskiptum
• Lært spurningatækni - hvernig hægt er leita nýrra lausna með kraftmiklum spurningum
• Lært nokkrar mismunandi aðferðir við markmiðasetningu
• Fengið NBI-huggreiningu og 8 bls. skýrslu með þínu hugsniði
• Lært að nýta persónugreiningar við markþjálfun
• Lært að þekkja og virða siðareglur ICF
• Lært bein tjáskipti – að tala um hlutina eins og þeir eru
• Lært að greina og bregðast við hugskekkjum
• Fengið markþjálfun frá samnemendum og vottuðum ICF-markþjálfa
• Farið í gegnum viðamikla sjálfsskoðun og kortlagt styrkleika þína  og þróunarsvið
• Lokið þeim ACSTH (Approved Coach Specific Training Hours) tímum sem þarf til að sækja um ACC-réttindi hjá ICF
• Lært hvernig hægt er að nýta nýjustu uppgötvanir í taugavísindum (e. neuroscience) til að auka áhrifamátt markþjálfunar
• Öðlast gjaldgöngu í ICF-Iceland og samfélag markþjálfa á Íslandi
• Tækifæri á að sækja og viðhalda þekkingu þinni (þér að kostnaðarlausu) með því að mæta á „Orkuskot“ fjórum sinnum á ári hjá Profectus - þar sem farið er dýpra í markþjálfunarfræðin
• Sjö af tíu mentor-markþjálfunartímum sem þarf til að sækja um ACC-vottun frá ICF (þér að kostnaðarlausu).

Hér er tafla sem lýsir því hvaða forsendur nemendur þurfa að uppfylla til að geta sótt um ICF-vottun:

Framúrskarandi námsefni

Hér má sjá það námsefni sem nemendur fá þegar þeir hefja nám í markþjálfun hjá okkur. Fyrrverandi nemendur hafa á orði að námsefnið, efnistökin og yfirferðin sé meiri en fólk á að venjast. Námsefni okkar er skrifað, þróað og hannað af okkur. Við erum leiðandi þegar kemur að þróun verkfæra og skapandi leiða til að vinna með hugmyndafræði markþjálfunar. 

Grunnnámspakkinn:

• 216 bls. kennslumappa með öllum skyggnum, praktískum upplýsingum og verkefnum

• Geggin mín - dagbók sem heldur utan um markmið, drauma og persónulega sigra.

• Sigraðu sjálfan þig aftur og aftur? (Höfundur er kennari í náminu)

• Mikilvægustu gildin mín (framleitt af Profectus). Verkfæri sem notað er af markþjálfum til að vinna með gildi, innri áttavitanum í lífinu.

• 107 algengar tilfinningar (framleitt af Profectus) . Verkfæri sem bæði er notað í markþjálfun og einnig til að auka tilfinningalæsi og tilfinningagreind nemenda.

• Styrkleikarnir mínir (framleitt af Profectus) . Verkfæri sem bæði er notað í markþjálfun og einnig til að vinna markvisst með styrkleika.

• 99 kraftmiklar spurningar (framleitt af Profectus) . Verkfæri sem notað er í markþjálfun til að hjálpa fólki að skoða stóru myndina, fá hugmyndir og hugsa lengra.

Greiðslur námsgjalda

Eftir að skráning hefur borist okkur eru stofnaðar tvær kröfur í heimabanka, ein upp á 49.800,- sem er staðfestingargjald. Þegar það er greitt hefur nemandi tryggt sæti sitt í náminu. Staðfestingargjald er óafturkræft. Seinni krafan er fyrir eftirstöðvum með eindaga tveimur vikum áður en námið byrjar. Einnig eru fleiri leiðir í boði til að dreifa greiðslum ef sá kostur hentar betur.

Athygli er vakin á að nemandi sem hættir við þátttöku innan tveggja vikna fyrir nám hefur hvorki rétt til endurgreiðslu á námskeiðsgjaldi né staðfestingargjaldi.

Ef nemandi þarf að hætta við nám innan tveggja vikna fyrir nám eða eftir að nám er hafið, vegna óviðráðanlegra orsaka (til dæmis veikinda eða slyss), getur hann skráð sig í sambærilegt nám innan tveggja ára, sér að kostnaðarlausu. Það þarf að gerast í samráði við okkur og gildir einungis ef ekki er fullbókað á viðkomandi námskeið við upphaf þess.

Við bendum nemendum á að kanna möguleika sína á niðurgreiðslu námsgjalda hjá stéttarfélögum að hluta eða í heild, allt eftir áunnum réttindum hvers og eins. Hægt er að dreifa greiðslum með ýmsum hætti.

Greiðslumöguleikar

Ganga þarf frá greiðslu í síðasta lagi 14 dögum fyrir upphaf námskeiðs.

Við bjóðum upp á eftirfarandi greiðslumöguleika:

1. Innlegg í heimabanka Profectus: 0545 - 26 - 452. Kt: 410304-3760.

2. Vaxtalaus dreifing greiðslna í allt að 6 mánuði (stofnaðar eru kröfur í heimabanka)

2. Fá kröfu í heimabanka einstaklings eða fyrirtækis til að greiða þar. Sendið beiðni á info@profectus.is 

3. VISA eða MasterCard lán (raðgreiðslur) til allt að 36 mánaða. (kostnaður við lántöku bætist við námsgjöld)

4. Netgíró https://www.netgiro.is/ til allt að 24 mánaða.

Af hverju ættir þú að læra Markþjálfun hjá Profectus?

Alþjóðleg réttindi

Markþjálfanám Profectus er alþjóðlega vottað af ICF (International Coaching Federation) sem fullnægjandi grunnám fyrir ACC-réttindi, rétt eins og aðrir sem eru að bjóða upp á þetta nám á Íslandi.

Algengur misskilningur er að einhver munur sé á því vottaða námi sem boðið er upp á hér á Íslandi. Staðreyndin er að það eru allir að undirbúa nemendur sína fyrir sömu vottunina hjá ICF.

Í grunnnámi í markþjálfun er megináhersla lögð á að nemendur öðlist haldbæran skilning á öllum þeim átta hæfnisþáttum sem eru grunnurinn að því að verða vottaður markþjálfi. Í framhaldinu er tímabært fyrir markþjálfa að móta sér stefnu í átt að því hvernig markþjálfi hann vill verða, hvaða sviði hann vill sérhæfa sig á. Það má líkja þessu við bílpróf. Í upphafi læra allir nemendur það sem þarf til að keyra bíl, burtséð frá því hvernig þeir ætla að nýta sér það í framhaldinu.

Engin kvöð er á nemendum að fara alla leið í vottun, en við aðstoðum alla okkar nemendur í því ferli velji þeir að fara alla leið. ACC-réttindin eru ekki innifalin í verði neinna sem bjóða upp á þetta nám en við erum öllum okkar nemendum innan handar við það, kjósi þeir svo.

Kennarar með djúpa þekkingu og mikla reynslu

Kennarar Profectus eru með reyndustu markþjálfum á Íslandi. Þeir sem leiða námið eru með PCC-réttindi frá ICF og um það bil 8.500 klst reynslu í markþjálfun. Á ferilskrá þeirra liggja nokkrar bækur um markþjálfun, t.d. "The Whole Brain Leader" sem gefin út af hinu virta útgáfufyrirtæki SAGE, bókin "Sigraðu sjálfan þig" sem Vaka Helgafell gaf út 2018, bókin "Hver ertu og hvað viltu?" gefin út af Vöku Helgafelli 2020 og bókin "Sigraðu sjálfan þig aftur og aftur" sem Vaka Helgafell gaf út 2022.

Alþjóðlegt tengslanet

Profectus hefur um árabil boðið upp á staðarnám í markþjálfun erlendis, m.a. í Suður Afríku og á Írlandi. Margir íslenskir nemendur okkar hafa tengst öðrum nemendum, bæði hérlendis og erlendis þar sem þeir skiptast á að markþjálfa hvorn annan.

Námsgögn

Innifalið í verði námsbrautarinnar eru þrjár bækur um markþjálfun þar sem nemendur kynnast faginu frá mismunandi sjónarhornum, bæði frá sjónarhorni leiðtogans og einnig venjulegs fólks sem vill meira.

Fullkomið kennslukerfi

Allir nemendur fá aðgang að Tankinum, sérsmíðuðu kennslukerfi Profectus í heilt ár eftir að námi þeirra lýkur. Í Tankinum hafa þeir aðgang að námsgögnum, verkefnum og öðru stuðningsefni svo sem kennslumyndböndum, fag- og fræðigreinum ásamt öllum verkefnum sem tengjast markþjálfanáminu. Þar geta þeir einnig komið á og viðhaldið sambandi við núverandi og fyrrverandi nemendur Profectus, bæði hérlendis og erlendis. 

Tæki og tól

Profectus hefur frá stofnun (2012) sérhæft sig í markþjálfun. Öll þjónusta sem boðið er upp á hjá Profectus er lituð af hugmyndafræði markþjálfunar. Við höfum unnið með mörgum stærstu fyrirtækjum landsins við leiðtogaþjálfun og valdeflandi fræðslu. Við höfum á þeirri vegferð notast við margvísleg greiningartól og viðurkenndar aðferðir sem við deilum með nemendum okkar. Við vitum hvað virkar í mismunandi aðstæðum og deilum þeirri þekkingu í orði og á borði.