Markþjálfanám - Algengar spurningar (FAQ)

1. Hvað er markþjálfun?

Markþjálfun er aðferðafræði - fram- og lausnarmiðað samtalsferli - sem hjálpar einstaklingum hámarka eigin getu, auka sjálfsþekkingu og nýta styrkleika sína með skilvirkari hætti. Markþjálfi veitir öðrum stuðning og leiðsögn við að vinna að persónulegum og faglegum markmiðum. Markþjálfun gengur út á að hætta að kenna fólki og hjálpa því frekar að læra.

2. Hvað er Markþjálfanám?

Markþjálfanám er meira en bara nám; það er ferðalag í átt að sjálfsþekkingu, persónulegum og faglegum vexti. Í þessu námi lærir þú ekki aðeins að verða betri leiðtogi og stuðningsaðili, heldur þróarðu einnig djúpa innsýn í sjálfan þig og aðra. Með því að nýta aðferðir markþjálfunar geturðu hjálpað fólki að átta sig á eigin styrkleikum, setja sér markmið og ná þeim.
Markþjálfanám er alþjóðlega vottað og gefur þér tækifæri til að öðlast réttindi sem viðurkenndur markþjálfi. Þetta nám er byggt á traustum fræðilegum grunni og er leiðbeint af reyndustu kennurum landsins. Þú færð verkfæri til að leiða einstaklinga og hópa í átt að auknum árangri og vellíðan.
Fyrir þá sem vilja dýpka skilning sinn á mannlegu atferli, bæta leiðtogahæfni sína og vera áhrifavaldur í lífi annarra, er markþjálfanám ómissandi skref. Það opnar dyr að fjölbreyttum tækifærum, bæði á persónulegu og faglegu sviði, og gerir þig hæfan til að takast á við áskoranir framtíðarinnar með sjálfstrausti og skýrri sýn.

3. Hvers vegna ætti ég að velja markþjálfanám hjá Profectus?

Markþjálfanám hjá Profectus er alþjóðlega vottað af ICF (International Coaching Federation), sem tryggir að námið uppfyllir ströng skilyrði um alþjóðlega staðalvottun. Hjá Profectus starfa kennarar sem hafa áratuga reynslu og djúpa þekkingu á faginu og hafa skrifað nokkrar bækur um markþjálfun sem gefnar hafa verið út hérlendis og erlendis.
Nemendur öðlast góðan skilning og færni í að nýta alla hæfnisþætti markþjálfans - sem er grundvöllur ICF-vottunar og réttinda. Nemendur fá einnig aðgang að alþjóðlegu tengslaneti nemenda þar sem Profectus stendur einnig fyrir kennslu í staðarnámi víða erlendis. Nemendur fá aðgang að Tankinum - sérsmíðuðu stafrænu kennslukerfi á netinu - í heilt ár eftir námslok. Með áherslu á hagnýtar aðferðir og greiningartól hefur Profectus tekið leiðandi stöðu í markþjálfunarfræðslu á Íslandi.

4. Hver er munurinn á LEVEL 1-vottuðu og LEVEL 2-vottuðu námi?

• LEVEL 1-vottað nám miðast við að undirbúa nemendur fyrir fyrsta stig vottunar frá ICF – ACC-vottun.
• LEVEL 2-vottað nám miðar að því að undirbúa nemendur fyrir bæði fyrsta og annað stig vottunar – ACC og PCC-vottun.

Þeir nemendur sem hafa lokið við og staðist LEVEL 2-vottað nám eins og við bjóðum upp á geta notað það útskriftarskírteini til að sækja um bæði ACC-vottun (þegar þeir hafa markþjálfað 100 klst.) og einnig PCC-vottun (þegar þeir hafa markþjálfað 500 klst.) án þess að bæta við sig frekara námi í millitíðinni.

5. Af hverju býður Profectus ekki upp á LEVEL 1-vottað nám?

Við hjá Profectus tókum rökstudda ákvörðun um að bjóða ekki upp á LEVEL 1-vottað heldur eingöngu LEVEL 2-vottað nám og að baki þeirri ákvörðun liggja nokkrar ástæður. Ein af helstu ástæðum fyrir því að við ákváðum að bjóða ekki upp á LEVEL 1-vottað nám eru þær ótímabæru kröfur sem ICF hóf að gera til fræðsluaðila á því vottunarstigi frá árinu 2023. Við teljum engan vegin tímabært fyrir nemendur að fara í gegnum það ítarlega mentor-ferli í grunnnámi í markþjálfun eins og þeim fræðsluaðilum sem bjóða upp á LEVEL 1-vottað nám hafa skuldbundið sig til að gera.

Fræðsluaðili sem býður upp á LEVEL 1-vottað nám hefur eftirfarandi skyldum að gegna gagnvart öllum nemendum:

1. Honum ber að vakta fimm markþjálfasamtöl frá upphafi til enda hjá hverjum nemanda.
2. Honum ber að gefa þeim skriflega endurgjöf fyrir að minnsta kosti þrjú af þessum fimm samtölum.
3. Fyrir útskrift ber honum að meta innsenda prófupptöku nemenda út frá öllum ACC-færniviðmiðunum.
4. Honum ber að gefa skriflega endurgjöf sem endurspeglar frammistöðu nemandans út frá öllum ACC-færniviðmiðunum.
5. Allir nemendur eiga að hafa fengið 10 mentortíma. Sjö af þeim mega vera með hóp en þrír verða að vera persónulegir einkatímar með kennara eða mentor sem hefur uppyllir skilyrði ICF.

Fræðsluaðilar sem framfylgja ekki öllum þessum LEVEL 1 skilyrðum er óheimilt að útskrifa nemendur með LEVEL 1 merkinu frá ICF á útskriftarskírteinum þeirra.

6. Hvaða kröfur gerir ICF til LEVEL 2 fræðsluaðila

Í LEVEL 2 námi – sem hjá okkur samanstendur af Grunnnáminu „Gerðu gott betur!“, Framhaldsnáminu „Upp og áfram!“ auk „Undirbúnings fyrir ACC- og PCC-vottun“ framfylgjum við PCC-kröfum:

1. Við vöktum sex markþjálfasamtöl hjá hverjum nemanda.
2. Gefum þeim skriflega endurgjöf fyrir að minnsta kosti fjögur af þessum sex samtölum.
3. Einnig metum við lokaupptöku nemenda en við gerum það við lok framhaldsnámsins, út frá PCC-færniviðmiðunum.
4. Gefum þeim ítarlega skriflega endurgjöf sem endurspeglar það mat.
5. Allir nemendur hafa fengið 10 mentortíma. Sjö af þeim eru hóp-mentor tímar en þrír eru persónulegir einkatímar með kennara eða mentor sem uppyllir skilyrði ICF.

Reynslan hefur kennt okkur að ávinningur nemenda er mun meiri þegar vöktuðum samtölum er dreift jafnt og þétt yfir námstímann.

• Í grunnnáminu senda nemendur inn eina upptöku sem við metum út frá ACC-færniviðmiðum og sendum þeim skriflega endurgjöf á.
• Í framhaldsnáminu senda nemendur inn aðra upptöku sem við metum út frá PCC-færniviðmiðum og fá nemendur ítarlegri endurgjöf á hana.
• Í þessum lokaundirbúningi förum við yfir restina af þeim vöktuðu samtölum sem ICF gerir kröfu um.

Það er einnig mat nemenda okkar sem hafa klárað mentor-ferlið í lok námsins að þar liggi bæði dýrmætasti, og dýpsti lærdómurinn því þá hafa þeir hafa öðlast mun dýpri skilning á sjálfum sér og öllum hæfnisþáttum markþjálfans.

7. Hvaða kröfur eru gerðar til nemenda?

Inntökuskilyrði eru þau að nemendur hafi náð 25 ára aldri og hafi mikinn áhuga á persónulegum vexti. Við gerum þá kröfu til nemenda að þeir leggi sig alla fram við námið og vinni öll verkefni af metnaði og samviskusemi. Mikil áhersla er lögð á persónulega þróun og uppbyggjandi teymisvinnu í gegnum allt námið.

8. Hvernig eru greiðslumöguleikar fyrir námsgjöldin?

Profectus býður upp á ýmsa greiðslumöguleika, þar á meðal vaxtalausa dreifingu greiðslna, VISA eða MasterCard lán og Netgíró.

9. Er hægt að fá námsstyrk fyrir náminu?

Það er möguleiki á að fá niðurgreiðslu hjá stéttarfélögum. Hér eru upplýsingar um námsstyrki hjá nokkrum stéttarfélögum á Íslandi, sem geta verið gagnlegar fyrir þá sem hyggja á markþjálfanám:
VR
VR veitir styrki fyrir 90% af námsgjöldum, að hámarki 180.000 kr. á ári. Ef félagsmaður hefur ekki sótt um styrk undanfarin þrjú ár, getur hann sótt um allt að 540.000 kr. fyrir eitt samfellt nám. Til að eiga rétt á styrknum þarf viðkomandi að hafa greitt í sjóðinn í að minnsta kosti 30 af síðustu 36 mánuðum (VR stéttarfélag).
Efling
Félagsmenn í Eflingu geta sótt um allt að 130.000 kr. styrk á ári fyrir starfstengd námskeið, þar á meðal markþjálfanám. Einnig er hægt að fá allt að 390.000 kr. fyrir eitt samfellt starfstengt nám ef félagsmaður hefur greitt í sjóðinn samfellt í þrjú ár án þess að nýta sér rétt til styrks.
BHM
BHM veitir styrki fyrir ýmis konar nám, þar á meðal starfstengd námskeið og markþjálfun. Styrkir eru veittir fyrir félagsmenn á opinberum markaði, þ.e. hjá ríki eða sveitarfélögum. Hægt er að fá upplýsingar um styrkina og sækja um þá á vefsíðu BHM (BHM).
Starfsgreinasamband Íslands (SGS)
SGS býður félagsmönnum sínum upp á styrki fyrir endurmenntun og starfstengd námskeið. Nánari upplýsingar eru fáanlegar hjá viðkomandi stéttarfélögum innan SGS.
Til að fá nákvæmar upplýsingar um hvernig hægt er að sækja um styrki og hvaða skilyrði þurfa að vera uppfyllt, mælum við með að hafa samband beint við stéttarfélagið eða heimsækja heimasíður þeirra.

10. Hverjir kenna í náminu?

Kennarar Profectus eru meðal reyndustu markþjálfa á Íslandi, með þúsundir kennslustunda að baki. Þeir hafa einnig gefið út bækur um markþjálfun, eins og „The Whole Brain Leader“ og „Sigraðu sjálfan þig“ og „LEIÐTOGINN -Valdeflandi forysta“.