Valdeflandi forysta

1. Hluti

SJÁLFSÞEKKING, RAUNSTAÐA OG PERSÓNULEGUR ÞROSKI

• Þú lærir að þekkja styrkleika þína sem leiðtogi
• Þú tekur persónulegt frammistöðumat
• Þú lærir muninn á láréttri og lóðréttri forystuþróun
• Þú lærir að þekkja, skilgreina og hvernig þú lifðir skv. gildum þínum
• Þú lærir um forystu þvert á kynslóðir
• Þú skilur muninn á verklýsingu stjórnandans og verklýsingu leiðtogans
• Þú kemst að því hvernig leiðtoginn þrífst í hinu síkvika VUCA-umhverfi
• Þú lærir um kynslóðirnar fimm á vinnumarkaðinum og einkenni þeirra
• Þú lærir um þroskastigin þrjú - Hvenær verðum við fullorðin?
• Þú lærir um hin sjö þroskaþrep forystu og einkenni þeirra
• Þú skilur mikilvægi helgunar á vinnustað
• Þú lærir hvernig þú eykur helgun á vinnustað
• Þú þekkir hina þrefalda samsetning egósins og orðspor þess

2. Hluti

360°-FORYSTUFÆRNI

• Þú munt taka tvær NBI-greiningar (persónulega- og forystugreiningu) til að skilja betur hvernig hugar- og eðlisfar þitt samsamar sig þínum leiðtogastíl
• Þú lærir af hverju 360°-hugsun og skilningur ef oft kölluð „Griðarstaður umburðalyndisins“
• Þú lærir hvernig hinn rökræni leiðtogi hugsar
• Þú lærir hvernig hinn praktíski leiðtogi hugsar
• Þú lærir hvernig hinn tengslamiðaði leiðtogi hugsar
• Þú lærir hvernig hinn óhefðbundni leiðtogi hugsar
• Þú lærir um allar átta víddir 360°-hugsunar
• Þú lærir hvernig aðrir sjá hinn rökræna „sjálfvita“ – þann bláa
• Þú lærir hvernig aðrir sjá hinn praktíska „þverhaus“– þann græna
• Hvernig aðrir sjá hin tengslamiðuðu „tilfinningaflök“ – hin rauðu
• Þú lærir hvernig aðrir sjá hinn óhefðbundna „hugmyndahamstur“ – hinn gula
• Þú lærir að tala þau fjögur tungumál sem þarf til að koma í veg fyrir misskilning.
• Þú lærir hvernig þú getur nýtt 360°- fundarstjórn til að auka skilvirkni á fundum

3. Hluti

TILFINNINGAGREIND - HIÐ INNRA RÍKIDÆMI

• Í þessum áfanga byrjar þú á að taka EQi-2.0 greiningu sem mælir og gjágreinir tilfinningargreind þína
• Þú færð afhenta 27 blaðsíðna skýrslu sem upplýsir þig um styrkleika og vaxtarmöguleika þína á öllum sviðum og undirflokkum tilfinningagreindar þinnar
• Þú lærir af hverju tilfinningagreind er mun mikilvægari en vitsmunagreind í starfi þínu sem leiðtogi
• Þú lærir að þekkja EQ-I 2.0 líkan tilfinningargreindar og fimm lykilsvið þess
• Þú lærir hvað einkennir hin fimm lykilsvið tilfinningargreindar: sjálfstjáningu, félagsfærni, ákvarðanatöku og streitustjórnun.
• Einnig lærir þú hvað einkennir hina fimmtán undirflokka lykilsviðanna, styrkleika og vaxtarmöguleika
• Þú lærir að grina hegðun þína og stjórna viðbrögðum þínum af yfirvegun.

4. Hluti

1 - FÆRNI HINS ÞJÁLFANDI LEIÐTOGA

• Þú lærir hvað stjórnendaþjálfun er og hvað er hún ekki
• Þú öðlast skilning og færni í þeim hæfnisþáttum International Coaching Federation sem nýtast best í hlutverki leiðtogans
• Þú lærir samtalsferli sjórnunar- og umbótaþjálfunar – allt frá undirbúningi að skuldbindingu
• Þú lærir að beita fjölmörgum verkfærunum úr verkfærakistu þjálfarans
• Þú lærir að undirbúa þig fyrir þjálfunar samtal (og starfsþróunarsamtöl)
• Þú lærir að hjálpa starfsmönnum sem þú þjálfar að finna innra með sér enn fleiri möguleika og tækifæri
• Þú lærir að hjálpa öðrum að setja sér skýr markmið og skuldbindast þeim og fylgja eftir með aðgerðum
• Þú lærir hvernig þú getur með þjálfun: aukið verkvilja starfsfólks, hjálpað við framkvæmd og eftirfylgni þess sem tekið er fyrir í þjálfunarsamtali
• Þú færð tækifæri til þjálfa þig í styrkleikamiðaðri samtalstækni
• Þú æfir þig í spurningatækni, djúpri hlustun, áhrifaríkum endurgjöfum, speglun og hvernig þú getur hlustað eftir því ósagða
• Þú lærir nokkrar mismunandi leiðir til markmiðasetningar

2 - INNLEIÐING ÞJÁLFANDI FORYSTU Á VINNUSTAÐ

• Þú lærir um kosti innleiðingar þjálfunarmenningar á vinnustað
• Þú lærir um áskoranir við að innleiða þjálfunarmenningu á vinnustað
• Þú lærir hvenær á þjálfun við í hlutverki leiðtogans og hvenær hún á ekki við
• Þú lærir um að þjálfun snýst meira um hver þú ert en hvað þú kannt
• Þú lærir að kenna starfsfólkinu að nýta sér þjálfun til vaxtar og við úrlausn vandamála
• Þú lærir að vald og verkdreifa í þeim tilgangi að þú öðlist meira frelsi til að sinna starfi þínu enn betur

5. Hluti

BREYTINGAR OG BREYTINGASTJÓRNUN

• Þú lærir að skilja af hverju breytingar eru forsendur framfara
• Þú lærir hvernig þú getur undirbúið þig fyrir breytingarstjórnun
• Þú lærir um orku- og streitustjórnun og hvernig þú getur tileinkað þér þá þekkingu til að auka þrautseigju þína í leiðtogahlutverkinu
• Þú öðlast skilning og vissu um hvort betra er að leiða eða stjórna breytingum
• Þú áttar þig á mikilvægi og hlutverki tilfinningagreindar í breytingastjórnun
• Þú lærir að nýta hinn einfalda „tékklista“ breytingastjórnunar áður en hafist er handa
• Þú lærir einnig um breytingarlíkan Kotters og hvernig þú getur leitt þverfagleg teymi í gegnum hvert skref fyrir sig

STÖÐUGAR FRAMFARIR NEMENDA

Valdeflandi forysta er umfram allt reynslumiðað nám þar sem nemendur eru hvattir til að innleiða lærdóm sinn á meðan náminu stendur. Þar er stuðst við PAMF hringrásina.
PAMF stendur fyrir Plan-Aðgerð-Mat-Framkvæmd. (e. PDCA eða Plan-Do-Check-Act) er einnig þekkt sem Deming-hringrás eða Shewhart-hringrás. Aðferðin er notuð til að stuðla að stöðugum umbótum. Edwards Deming er talinn standa á bak við aðferðina sem hann þróaði við störf á rannsóknar- stofu Bell-símafyrirtækisins rétt eftir 1920. Hún er ekki eingöngu notuð við breytinga- stjórnun heldur einnig til að stuðla að umbótum á ýmsum sviðum.

PAMF-hringrásin er mjög gagnlegt verkfæri til að stuðla að stöðugum lærdómi í breytingarferlinu, sérstaklega þegar verið er að fara inn á og um ótroðnar slóðir og prófa nýtt verklag, nýja ferla, nýjar vélar eða við innleiðingu annarra nýjunga, þar sem reynsla og þekking er mögulega ekki til staðar – ennþá.

Þessi hugmyndafræði er í fullkomnu samræmi við „Reynslumiðað nám“ (e. Experi- ential learning). Reynslumiðað nám er hugmyndafræði sem tekin er úr kennslufræðum og felur í sér reynslumiðaðan lærdóm, stöðugt endurmat og ígrundun. Hún byggir alfarið á virkri þátttöku í raunverulegum aðstæðum, frekar en að framfylgja eingöngu leiðbeiningum stjórnenda um hvað eigi að gera og hvernig eigi að gera það sem er í algerri andstöðu við hugmyndafræðina.

SÉRSTAÐA NÁMSINS

Sérstaða Valdeflandi forystu felst í því að lausnir við flestum þeim áskorunum sem stjórnendur eru að glíma við er að finna innan ramma félagsvísindanna þar sem er lögð meiri og markvissari áhersla á kerfisbundna rannsókn á samfélaginu, félagslegum tengslum og mann- legri hegðun. Því miðar námið að því að nemandinn öðlist djúpan skilning á mótun einstaklinga, hópa, stofnana og samfélaga.

Fyrirtæki og skipulagsheildir eru ávallt byggðar á hugmyndum eða hugsýn fólks. Allt gangverkið byggist á hinu mannlega: Samskipti, tjáskipti og boðskipti eru ráðandi þættir í allri samvinnu þar sem árangur ræðst af samhug og samkennd og sameiginlegri sýn á leiðina að settu marki. Það liggur því í hlutarins eðli að aukinn, dýpri skilningur stjórnenda á sundurleitri hugsun, hegðun, samskiptum, reynslu, viðhorfum og menningar- heimum er mun stærri þáttur í starfi hans og árangri en áður var talið.

Eftir gagnrýna endurskoðun á efnistökum okkar og kennslufræðilegri nálgun höfum við nú þróað leiðir, lausnir og safnað saman fullnægjandi fróðleik til að búa nemendur okkar undir að takast á við þessar ört vaxandi áskoranir með árangursríkum hætti.

Leiðtoganámið tekur nemandann með í persónulega og krefjandi vegferð þar sem hann öðlast bæði djúpan sjálfsskilning og víðtækan skilning á mannlegu eðli.
Á tímum hraða og örra breytinga er tilfinningagreind (EQ) leiðtoganum mun mikilvægari en vitsmunagreind (IQ) þar sem árangur hans endurspeglast ekki í því sem hann gerir – heldur öðru fremur í því hver hann er.

Flestar stærstu áskoranirnar stjórnenda tengjast æ sjaldnar því sem þeir gera eða gera ekki – heldur í meira mæli skilningsleysi þeirra á mannlegu eðli. Oftast tengjast stærstu áskoranir stjórnenda hugarfari starfsfólks, viðnámi þess við breytingum, áþreifanlegum skorti á samhug, samkennd og samvinnu.

BYGGT Á FÉLAGSVÍSINDUM

Við höfum aukið verulega hlutfall fræðsluefnis sem á rætur sínar að rekja til félagsvísinda. Sú nálgun hefur sýnt og sannað að í rekstrarumhverfi nútímans eru lykilforsendur árangurs verulega frábrugðnar þeim þjálfunaraðferðum sem lengi voru taldar hinar einu sönnu.

Þær áherslubreytingar, uppbygging og kennslufræðileg nálgun sem hefur verið innleidd í þetta nýja leiðtoganám hafa reynst stjórnendum mun betur í starfi, hvort sem litið er til framlegðar, skilvirkni, starfsmannaveltu, tíðni mistaka eða niðurstöðutalna.

Þegar öllu er á botninn hvolft liggja mestu verðmæti námsins í því að nemendur læra af hverju úreltir stjórnunarhættir standa í vegi fyrir persónulegum og faglegum árangri.

MYNDRÆN FRAMSETNING

Kanadíski listamaðurinn Jim Ridge hefur teikna tæplega 200 skýringamyndir sem við nýtum í náminu við að miðla fróðleik og auka skilning nemenda. Ríflega 60% nemenda læra best sjónrænt og með þá staðreynd að leiðarljósi leitumst við að hámaka bæði lærdóm og áhugahvöt nemenda.

Byggt á bókinni „LEIÐTOGINN - VALDEFLANDI FORYSTA“

Námið byggir að langmestu leiti á bókinni Leiðtoginn − valdeflandi forysta eftir Ingvar Jónsson. Bókin er bæði skemmtileg og ögrandi og býður lesandanum upp á afar nýstárlega nálgun á nútíma leiðtogafærni. Hún tekur lesandann með í persónulega og krefjandi vegferð þar sem hann öðlast djúpan sjálfsskilning.
Á tímum örra breytinga er tilfiningagreind (EQ) leiðtoganum mun mikilvægari en vitsmunagreind (IQ) þar sem árangur hans endurspeglast ekki í því sem hann gerir – heldur öðru fremur í því hver hann er. Þetta er einnig bók sem kallar á aðgerðir og geymir fjölda verkfæra sem auðvelt er að innleiða samhliða lestrinum.