Upp og áfram! - Framhaldsnámskeið

Kennslufyrirkomulag og framvinda námskeiðsins:

• Námið samanstendur af þremur dögum í staðarnámi, átta kennslukvöldum (þriðja miðvikudag í mánuði) þar sem kennt er fjarnámi, auk heima,- verkefna- og hópavinnu jafnt og þétt yfir námstímann. Nemendur geta reiknað með um það bil 6-8 klst. heimanámi í mánuði. Engin kennsla er í júlímánuði.
• Fyrsti dagurinn er í staðarnámi - sá fyrsti af þremur - þar sem hver og einn nemandi mótar sér skýra, hvetjandi og tilgangsdrifna sýn á þá útkomu sem hann vil að hafi raungerst í lok námsins. Sú vinna er bæði markvisst og skapandi ferli undir tryggri leiðsögn listamannsins og fyrirtækjaráðgjafans Jim Ridge sem hefur séð um alla myndræna framsetningu fyrir Profectus síðustu ár.
• Eftir fyrsta daginn er nemendum skipt í smærri hópa (3-4 í hóp) sem munu vinna saman að tilfallandi verkefnum - en umfram allt - styðja hver við annan á meðan náminu stendur.
• Nemendum ber að finna leið og lausnir í upphafi námsins til að skuldbinda sig til að ljúka á námstímanum þeim 100 markþjálfunartímum sem þeir þurfa til að geta við námskeiðslok hafið ferlið við að sækja um ACC-vottun — og/eða PCC-vottun sé nemandi búinn að markþjálfa nægjanlega marga tíma.
• Kennsludagar frá febrúar fram í október eru einu sinni í mánuði á ZOOM. Þeir tímar eru alltaf teknir upp og settir inn á Tankinn - kennslukerfið okkar - þar sem nemendur hafa aðgang að öllum upptökum, til upprifjunar og ef þeir skyldu missa af einstaka tíma. Það á þó ekki við fyrsta og síðasta daginn sem eru í staðarnámi og virk þátttaka nemenda nauðsynleg.
• Það hefur enginn kappleikur unnist í fyrri hálfleik! Í náminu köllum við annan daginn af þremur í staðarnámi því „hálfleik“ - þar sem farið er yfir leikskipulag nemenda og markvisst þá þætti sem mögulega þarfnast endurskoðunar eða sérstakrar athygli.
• Í hverjum mánuði er opnað á nýtt svæði í „Tankinum“ þar sem nemendur fá aðgang að ítarlegri fróðleik, nýjum kennslumyndböndum, verkefnum, verkfærum og sjálfsmati sem tengjast áherslum hverju sinni. Sá markvissi stuðningur hjálpar nemendum að halda sér við markmið sín, viðhalda stefnufestu og efla innri áhugahvöt.
• Lokadagur námskeiðsins er þriðji dagurinn í staðarnámi þar sem nemendur koma saman, deila sigrum sínum og áskorunum, kynna árangur ferðalagsins og hnýta alla lausa enda.

Skráning

Tími 1: lau. 15. jan. 9:00-17:00 

Mótun framtíðarsýnar og mikilvægi þess að vera öflugur leiðtogi í eigin lífi.

Sem markþjálfi er mikilvægt að þú vinnir staðfastlega að því að vera ávallt öflugur leiðtogi í eigin lífi. Þannig verður þú sú fyrirmynd sem markþjálfi ætti að endurspegla af sannfæringu og trúverðugleika. Þessi dagur tengist hinum nýja hæfnisþætti ICF „Markþjálfaviðhorf“. Auðvelt er að færa sterk rök fyrir að viðhorf markþjálfans - sjálfsbirting og viðhorf hans til lífsins - sé í raun burðarás flestra hinna hæfnisþáttanna

Þennan dag mun hver og einn nemandi móta skýra, hvetjandi og tilgangsdrifna sýn þess árangurs sem hann stefnir að því að ná í náminu. Sú vinna er markvisst og skapandi ferli sem nemendur fara í gegnum undir tryggri leið sögn listamannsins og fyrirtækjaráðgjafans Jim Ridge sem sér um alla myndræna framsetningu fyrir Profectus.

Tími 2: mið 19. feb. 17:00-20:00

Hvernig tengist persónulegur þroski markþjálfans hinu sálræna öryggi?

Sálrænt öryggi er hinn trausti grundvöllur árangursríkrar markþjálfunar. Í þessum mánuði munum við fara yfir hvernig þú getur framkallað og viðhaldið sálrænu öryggi í öllum samskiptum við markþega.

Hvar markþjálfinn er staddur á sinni persónulegu þroskaför er ráðandi þáttur í hversu þroskað umburðar- lyndi hans er gagnvart markþega sínum. Því skoðum við ferðalagið að því að verða „full-orðinn“ og hvaða vísbendingar er hægt að vera í vitund gagnvert þeim sem eru á mismunandi þroskastigum.

Þannig munt læra að skapa traust og öruggt umhverfi sem er laust við fordóma og þar sem skjólstæðingar þínir eiga auðveldara með að finna innra með sér hugrekkið til að opna sig, takast á við áskoranir sínar og þróa eigin vitund án ótta við viðbrögð annarra og dómhörku.

Tími 3: mið. 19. mar. 17:00-20:00

Hvernig getur markþjálfi þróað með sér aukna tilfinningagreind?

Tilfinningagreind er lykillinn að árangri í markþjálfun. Í þessum mánuði munum við skoða hvernig þú getur þroskað með þér aukna tilfinningagreind og sjálfsvitund, bæði fyrir sjálfum þér og markþegum þínum.

Með aukinni tilfinningagreind verður þú mun betur í stakk búin(n) til að skilja tilfinningar, bregðast við þeim með jákvæðum hætti og stuðla að dýpri nálgun í markþjálfunarsamtölum. Í þessum tíma verður farið ítarlega í niðurstöður EQ-i 2.0 greiningarinnar sem nemendur verða þá komnir með í hendur.

Tími 4: mið. 16. apr. 17:00-20:00

Hvernig viðheldur markþjálfi hinu fullkomna jafnvægi milli áskorunar og stuðnings?

Áskorandi markþjálfun er aðferð sem getur hjálpað markþegum þínum að vaxa og ná nýjum hæðum. Í þessum mánuði skoðum við hvernig þú finnur hjá þér hugrekki í hlutverki markþjálfa til að vera mun meira áskorandi og einnig styðjandi á sama tíma, viðhaldið umbúðalausum og beinum tjáskiptum án þess að það rýri traust markþega.

Áskorandi markþjálfi kann listina að ýta undir markvissari framfarir hjá markþegum sínum og ýtir samhliða undir ábyrgð þeirra og skuldbindingu gagnvart eigin framförum.

Tími 5: mið. 14. maí 17:00-20:00

Hvernig getum við undirbúið okkur sem best til að standast ICF-vottun?

Í þessum mánuði skoðum við ítarlega þá PCC-færniþætti sem reynsla okkar hefur kennt okkur að séu þeir mikilvægustu. Þeir 37 færniþættir sem PCC-markþjálfar verða að þekkja og vinna eftir hafa mismikið vægi í samtalinu. Margir þeirra eru samofnir og nokkrir þeirra eru það mikilvægir að líta verður á þá sem hornsteina samtalsins. Þessi tími er sá mikilvægasti á leið nemenda að því að standast ACC- og/eða PCC-vottun.

Eftir tímann hafa nemendur 10 daga til að senda inn hljóðupptöku sem verður metin út frá PCC-færni- þáttunum. Í framhaldinu fá nemendur senda ítarlega og skriflega endurgjöf sem þeir sjá hvar styrkleikar þeirra liggja og geta einnig nýtt til að styrkja markvisst þá þætti sem þarfnast meiri athygli.

Tími 6: lau. 31. maí 9:00-17:00 

Hálfleikur! Þessi dagur er þrískiptur kennslu- og æfingadagur sem reynir á alla hæfnisþættina.

1 - Byrjað verður á að fara yfir raunstöðu hópsins - en hún liggur skýrt fyrir eftir að kennarar hafa metið hljóðupptökur allra nemenda. Með þær niðurstöður að leiðarljósi munum við fara með markvissumhætti yfir þá færniþætti sem mikilvægt er á þessum tímapunkti í náminu að skýra betur.

2 - Hver nemandi verður búinn að bjóða einum gest að mæta og fá klukkutíma markþjáflun frá öðrum nemenda. Markþjálfað verður í þrenningum þar sem allir nemendur tækifæri til að markþjálfa í 1 klst. ókunnugan aðila, fá skriflega endurgjöf frá samnemanda og gefa skriflega endurgjöf til samnemanda út frá PCC-færniþáttunum.

3 - Á ferðalagi þar sem nemendur eru stöðugt að kynnast sér betur er ekki algengt að einhverjar áherslubreytingar eigi sér stað á leiðinni sem hafa áhrif á bæði sýn og markmið þeirra. Því fá allir nemendur tækifæri til að kynna fyrir hópnum hvar þeir standa miðað við þau markmið sem þeir lögðu upp með.

Tími 7: mið. 18. jún. 17:00-20:00

Hvernig getur þú nýtt fleiri aðferðir til að stuðla að markvissari vitundarsköpun?

Vitundarsköpun er kjarninn í áhrifaríkri markþjálfun því hún veitir markþegum dýpri skilning á sjálfum sér, tækifærum sínum og áskorunum. Í þessum mánuði muntu læra fjölbreyttar leiðir til að auka vitund, bæði hjá þér í hlutverki markþjálfa og einnig hjá markþegum þínum.

Þú munt líka læra að nýta ýmis greiningartæki til að hjálpa markþegum að öðlast dýpri innsýn sem stuðlar að aukinni sjálfsvitund og markvissari árangri á þeirra ferðalagi.

Tími 8: mið. 20. ág. 17:00-20:00

Hvað eiga hugmyndafræði markþjálfunar, breytingastjórnunar og „Design Thinking“ sameiginlegt og hvernig nýtist sú þekking þér til að verða enn færari markþjálfi?

Í þessum mánuði lærir þú hvernig þú getur nýtt þér þekkingu á ferlum og áherslum breytingarstjórnunar og „Design Thinking“ til að dýpka og styrkja nálgun þína í hlutverki markþjálfa, sérstaklega þegar unnið er með markþegum sem eru að fást við umfangsmikil verkefni eða viðamiklar breytingar í lífi eða starfi.

Markþjálfun, Breytingastjórnun og „Design Thinking“ skarast að verulegu leyti þar sem hugmyndafræði allra þessara nálgana leggja áherslu á virka þátttöku, skapandi lausnir og stöðuga endurgjöf. Skilningur á þessu áhugaverða samspili gerir þér enn auðveldara með að skapa aðstæður þar sem markþegar þínir upplifa það auðveldara að aðlagast breytingum og sjá enn betur þá möguleika sem í breytingunum búa.

Tími 9: mið. 17. sep. 17:00-20:00

Hvernig komum við á og viðhöldum langtímasambandi við markþega?

Langtímasamband skapast yfirleitt þegar markþjálfi hefur öðlast þá færni að hjálpa markþegum sínum að endurskilgreina hugmyndir sínar um eigin getu eða tilgang í lífinu. Oftar en ekki tengist þetta meðvirkni með beinum eða óbeinum hætti - sem tengist með beinum hætti þroskaferðalaginu sem farið var yfir í tíma 3 í náminu.

Með því að vinna lengur með hverjum markþega njóta báðir aðilar fjölþætts ávinnings, svo sem dýpri skilnings á þörfum og viðvarandi árangurs þar sem markþjálfasambandið verður dýpra og markvissara með tímanum.

Umfram allt byggir það á hugarfari, ásetningi og staðfestu þinni við að skapa þér sterkt orðspor og byggja upp traustan viðskiptahóp sem leitar aftur til þín — sem tengist með beinum hætti efnistökum næsta tíma.

Tími 10: mið 15. okt. 17:00-20:00

Hvernig getur þú markaðssett þig og þína þjónustu — skapað aukna eftirspurn eftir þér og þinni þjónustu?

Í þessum mánuði munum við einblína á hvernig þú getur markaðssett þig og þína þjónustu með því að verða sýnilegri og ná betur athygli þeirra sem þarfnast þess sem þú hefur að bjóða – eða skapað áhuga hjá þeim sem vissu ekki að þeir þyrftu á þér og þinni þjónustu að halda.

Við munum bæði kynna fyrir þér grunninn að hinum hefðbundnu markaðsfræðum og einnig fáum við til okkar áhrifavald sem kynnir mikilvægi þess að nýta samfélagsmiðla og hvaða leikreglur gilda þar.

Eftir þennan tíma verður þú komin með skýra yfirsýn á þá grunnþætti sem þú þarft að nýta þér til að koma þér og þinni þjónustu á framfæri og vaxa sem faglegur markþjálfi, hvort sem er í raunheimum eða á netinu.

Tími 11: lau. 15. nóv 9:00-17:00

Samantekt, kynningar, uppskeruhátíð og útskrift

Námskeiðinu lýkur með uppskeruhátíð þar sem við tökum heilan dag til að flétta saman allt sem við höfum lært á ferðalaginu. Nemendur deila reynslu sinni, áskorunum og ásetningi, bæði persónulega og faglega.

Við förum yfir allan undirbúning vottunarferlisins hjá ICF, þar sem eitt af undirmarkmiðum námskeiðsins er að stuðla að því að þeir nemendur sem ekki hafa ICF-vottun hafi lokið við þá 100 tíma sem krafist er.

Dagurinn endar á formlegri útskrift þar sem við fögnum árangri hópsins fram eftir kvöldi, með gleði og þakklæti fyrir þá vegferð sem nemendur hafa lokið.